Arkiva: Viti 2022
EVERYDAY REBELLION
REBELIM I PËRDITSHËM Përballë krizës klimatike, një sistem të harxhuar të rrjeteve ekologjike, lidhjeve të prishura të habitatit dhe larminë e humbur kulturore dhe gjuhësore në një planet të dërmuar nga mizoritë njerëzore, ne jemi në gjendje të mbijetesës. Sjellja e drejtësisë, bollshmërisë, miqësisë dhe gjallërisë për të gjithë do të jetë shqetësimi kryesor për dekadat në vijim, si një sprovë e jashtëzakonshme e historisë së njerëzimit. Kjo kërkon një kulturë dhe praktikë të rezistencës në përditshmëri. Moderator: Defne Koryürek Panelistët: Ares Shporta, Levon Bagış, Jeton Jagxhiu dhe Sevil Baştürk
Post-partum
Post-partum: çfarë ndodh me regjisorin dhe pjesëmarrësit pas publikimit të filmit? Një nga pyetjet më të zakonshme që u bëhen kineastëve në pyetje dhe përgjigje janë: « Çfarë ndodhi me personazhet/protagonistët tuaj? Ku jane ata tani? » Ndonjëherë, kjo pyetje merr përgjigje të lumtur, dhe herë të tjera të dhimbshme. Në këtë panel, kineastët do të ftohen të flasin sinqerisht për ndjenjat e shumta kontradiktore që lindin pas publikimit të filmave të tyre dhe enigmat etike me të cilat përballen. Panelistët: Dea Gjinovci (Wake up on Mars) Marija Zidar (Reconciliation) Samir Karahoda (In Between, Displaced) Ljubomir Stefanov (Honeyland) Moderuar nga Aliriza Arënliu 17:00 E Shtunë Bahçe e Shani Efendiut
Landscapes of Repair and Resistance
Manifesta 14 Prishtina ka nderin të jetë partner i DokuFest-it për shfaqjen e një programi special këtë gusht në festival. I kuruar nga Ndërmjetësuesja Kreative e Manifesta 14 Prishtina Catherine Nichols, Landscapes of Repair and Resistance shfaq tre pjesëmarrës në Bienalen Nomade Evropiane. Programi merr formën e tri shfaqjeve dhe një diskutimi, të gjitha në temën e peizazhit, duke ndërthurur këtë me rrëfime historike dhe bashkëkohore të rezistencës, rikuperimit, shërimit dhe riparimit. Shfaqjet The Rising Forest – Uýra Landscapes of Resistance – Marta Popivoda Wild Relatives – Jumana Manna Në bashkëbisedim Jumana Manna, Catherine Nichols dhe Veton Nurkollari
Introduction to the Economics of Copyright-based Industries
Ofrimi i udhëzimeve për mbajtësit dhe përdoruesit e të drejtave për mënyrat e mbrojtjes së veprave të tyre dhe kuptimi i rëndësisë së mbrojtjes së tillë, si dhe rritja e ndërgjegjësimit të sektorit privat dhe të gjithë akterëve për funksionimin efektiv të ekonomisë krijuese. Në bashkëpunim me Projektin për të Drejtat e Pronësisë Intelektuale në Kosovë - i financuar nga BE. Folësit: Dimiter Gantçev, Erkin Yilmaz Ioannis Kikkis Irina Lucan Arjoca Sophie Valais
The power of non-fiction films
Fuqia e filmave jo-fiksional Krijuesit e filmave jo-fiksional anembanë botës gjejnë xhepa të së vërtetës, magjepsjes, tragjedisë dhe shpresës në jetët e përfaqësuara të njerëzve që ndajnë përvojën e të qënit në një film. Gjatë dekadave të fundit, dokumentari është shfaqur dhe ka kërkuar të ndahet nga e kaluara e tij koloniale, për t'u bërë një mënyrë tjetër për të treguar histori në formën kinematografike. Si e kanë transformuar kineastët formën e dokumentarit për kohën tonë? Dhe a është bërë më e rëndësishme sot? Maria Silvia Esteeve Martin DiCicco Jelena Maksimovic Veton Nurkollari Moderuar nga Dea Gjinovci Ky panel u mundësua nga projekti "How Do I See You", financuar nga zyra e Bashkimit Evropian në Kosovë.
How to keep on shooting?
Krijuesit e filmit mund të shtyhen në kufijtë e skajshëm të asaj që ata mendonin se ishin të aftë të bënin. Të bësh një dokumentar mund të nënkuptojë trajtimin dhe përfaqësimin e sistemeve të padrejtësisë, traditave të vjetruara, dhunës shtetërore dhe korrupsionit si dhe shumë prej sëmundjeve shoqërore. Në këtë panel, ne do të eksplorojmë atë se çfarë lloj përgjegjësie mbajnë kineastët dhe çfarë i shtyn ata të vazhdojnë të xhirojnë. Sofia Bohdanowicz Nataša Urban Keti Stamo Moderuar nga Dea Gjinovci
How to make an impactful documentary?
Si të bëni një dokumentar me ndikim? Me rritjen e fushatave me ndikim të madh të lidhura me dokumentarët, shkrirja midis aktivizmit dhe krijimit të filmit nuk ka qenë kurrë më e spikatur. Nga filmimi i aktivizmit te fushata për ndryshim, çfarë do të thotë të bësh një dokumentar me ndikim sot? Hyrje nga Eroll Bilibani lidhur me atë se si DokuFest integron filmat dokumentarë në kornizën kurrikulare kombëtare për të frymëzuar ndryshime sociale. Panel i moderuar nga Dea Gjinovci dhe kompozuar nga Brigid O'Shea, Rich Felgate dhe Ilir Hasanaj. Ky panel u mundësua nga projekti "How Do I See You", financuar nga zyra e Bashkimit Evropian në Kosovë.
War crimes, surviving the past, bearing the future
Regjisorët shpesh kanë qëndruar në ballë të konflikteve dhe luftërave, duke dokumentuar dhe filmuar krimet e luftës dhe pasojat e tyre për të tërhequr vëmendjen botërore. Por, sa është ndryshe të filmosh për qëllime dëshmie që mund të përdoren më vonë në një gjykatë? Çfarë mund të mësohet nga përvojat dhe perspektiva e luftërave ballkanike përballë luftës në Ukrainë? Dhe si duket drejtësia për të mbijetuarit dhe viktimat e krimeve të luftës? Bekim Blakaj Nebi Qena Zhanna Maksymenko-Dovhych Sasha Romantsova Moderuar nga Dea Gjinovci
Performing Democracy
A është e mundur demokracia? Çfarë nënkupton dhe çfarë konceptesh të gdhendura përmban? Cila është forma e saj optimale? A ka alternativë për të? Ne biseduam me 62 grupe qytetarësh, iniciativash, aktivistësh, shoqatash profesionale dhe partive politike nga Kosova, Serbia dhe Maqedonia e Veriut dhe dëgjuam përgjigje të ndryshme. Performing Democracy është një projekt bashkëpunues i Kiosk nga Beogradi, Kontrapunkt nga Shkupi dhe DokuFest nga Prizreni. Projekti mbështetet nga: the Balkan Trust for Democracy, projekti i The German Marshall Fund I Shteteve të Bashkuara dhe Agjencia e Shteteve të Bashkuara për Zhvillim Ndërkombëtar (USAID); Allianz Kulturstiftung; Fondacioni për Shoqëri të Hapur në Serbi, dhe Fondi Evropian për Ballkanin. Autoret e Projektit: Ana Adamović dhe Milica Pekić Ekipi redaktues: Ana Adamović, Eroll Bilibani, Iskra Geshoska, Veton Nurkollari, Milica Pekić, Artan Sadiku Loja Shoqërore, dramaturge: Katarina Pejović Ekspozita mund të vizitohet nga ora 12:00 të Shtunën me 6 Gusht. Loja Shoqërore Performing Democracy, E Marte 9 Gusht Mjeshtri i Ceremonisë: Lulzim Bucolli 15:00 @ Oborri i Shani Efendiut
How Do I See You?
HOW DO I SEE YOU? Ndërtimi i urave ndërmjet të rinjve në Kosovë dhe Serbi për të qenë më elastik ndaj qasjes agresive mediatike në rajon. Misioni i How do I see you? - Si ju shoh? është fuqizimi i të rinjve në Kosovë dhe Serbi për t'u përballur me sfidat sociale dhe për të zbuluar njëri-tjetrin në këto kohë të lajmeve të rreme të tmerrshme dhe gjuhës së urrejtjes që është bërë normë në jetën tonë, duke gjetur një pikë takimi të përbashkët. Përmes kampeve të shkëmbimit kulturor dhe ndërpersonal ndërmjet të rinjve të Kosovës dhe Serbisë, projekti ofron platformë të përbashkët për të rinjtë nga të dyja vendet që të njihen më mirë me njëri-tjetrin, të kuptojnë më shumë për interesat e tyre dhe problemet e përbashkëta dhe si rezultat të ndërtojnë një të ardhme më të mirë për njëri tjetrin. Ekspozita multimediale Si ju shoh? (How Do I See You?), është një pasqyrim artistik i shoqërimit të të rinjve nga Kosova dhe Serbia dhe ju fton t'i bashkoheni hapësirës dhe reflektimeve të tyre. Ekspozita hapet të mërkurën më 10 gusht në orën 18:00 dhe qëndron e hapur deri më 13 gusht 2022. Ekspozita multimediale është e ekspozuar në Muzeun Shani Efendi. Projekti financohet nga Bashkimi Evropian dhe zbatohet nga DokuFest, Free Zone dhe Fondacioni B92.
DOCUMENTARY PRACTICE MASTERCLASS: PAUL LOWE
Udhëhequr nga fotografi i Agjencisë së Fotografisë VII, Paul Lowe, ky masterklasë njëditor do të eksplorojë se si të hulumtoni, planifikoni, prodhoni, modifikoni dhe prezantoni një ese të zgjeruar fotografike / dokumentar fotografie ose filmi. Ai gjithashtu do të eksplorojë dhe vlerësojë në mënyrë kritike shqetësimet etike në lidhje me përfaqësimin dokumentar. Masterklasa është e hapur për fotografët, kineastët, shkrimtarët dhe artistët e interesuar të gërmojnë më thellë në praktikën dokumentare. Masterklasa do të prezantojë gjithashtu Programin e Akademisë VII të Fotogazetarisë dhe Fotografisë Dokumentare të Nivelit 1 të udhëhequr nga Paul Lowe dhe Ziyah Gafic që do të zhvillohet në rajon nga tetori deri në dhjetor 2022.
LECTURE BY CHEMA GONZALEZ
Ky leksion do të analizojë funksionet dhe artikulimet e kinemasë në muzeun e artit modern dhe bashkëkohor, duke përdorur Museo Reina Sofia (Spanjë, Madrid) si rast studimi. Museo Reina Sofia është një nga institucionet kryesore kulturore të përkushtuar ndaj rimendimit të institucionit të artit, publikut të tij dhe asaj që është në rrezik në muzeun aktual në një skenar global. Leksioni do të trajtojë transformimet e kinemasë përgjatë aktiviteteve kryesore të muzeut: historia që diskutohet në ekspozitën e koleksionit, laboratori i krijimit të imazheve në ekspozitat e përkohshme dhe muzeu si kinotekë alternative në programet e rregullta të filmit.
IN CONVERSATION: MARYAM TAFAKORY & MORGAN QUAINTANCE
Në këtë sesion të DokuTalk, kuratorja Pamela Cohn do të angazhohet me të ftuarit specialë të festivalit, Maryam Tafakory dhe Morgan Quaintance, në një bisedë të lirë rreth praktikave të tyre artistike, frymëzimeve, metodologjive të punës me pamje origjinale si dhe arkivin, dhe pse ata kanë gjetur imazhin lëvizës të jetë si forma më e mirë për shprehjen e tyre artistike. Me kohën e mbetur për dialog me publikun do të shfaqen klipe të shkurtra.
CLIMATE FRESK WORKSHOP
Punëtoria bashkëpunuese Climate Fresk do t'ju mësojë shkencën themelore pas ndryshimit klimatik dhe do t'ju fuqizojë për të ndërmarrë veprime. MOSHA 9+
PAINTING WORKSHOP
Gishtat, pikturojnë me fëmijët. Një punëtori pikture e drejtuar nga njerëz nga Gishtat, do të përfshijë 30 fëmijë. Aktivitete edukative që synojnë të nxisin bashkëpunimin midis fëmijëve, duke nxitur kreativitetin dhe të mësuarit për të luajtur. Pikturat e fëmijëve do të ekspozohen në ITP ku mbahet programi DokuKids dhe në fund në kinema Lumbardhi në ceremoninë e mbylljes. MOSHA 8-13
THE POP HOP WORKSHOP
Pop-Hop Studios do të sjellë sete filmash pop-up, për tu lejuar pjesëmarrësve të DokuKids të mësojnë shpejt dhe në mënyrë bashkëpunuese fjalorin kinematografik dhe teknikat e filmave të animuar. Ju prezantojmë një punëtori të udhëhequr nga Jeremy Laurichesse, për prodhimin e filmit të animuar që shpesh përfshin trajtimin e të njëjtit paraprodhim për periudha të shkurtra kohore (2-3 orë), të cilave u shtohet një fillim i shkurtër i xhirimit, montazhit dhe dizajnit të tingullit. Punëtori 3 ditore nga 3 orë ku secila do tu ofrohet secilën ditë 12 fëmijëve për të mësuar fjalorin kinematografik dhe teknikat e filmit të animuar, si dhe do të prodhojë animacione të shkurtra për t'u shfaqur në mbyllje të festivalit. MOSHA 8-10
STOP MOTION WORKSHOP
Programi i trajnimit i udhëhequr nga Viktorie Stepanova dhe Luna Mascha Wielandova do të përfshijë trajnimin e animacionit stop-motion duke ndërtuar shkathtësitë digjitale të fëmijëve dhe të rinjve që do të zhvillojnë kapacitetet e ardhshme të industrive kreative në Kosovë. Filmi i animuar i realizuar nga studentët do të shfaqet në ceremoninë e mbylljes së DokuFest. Kjo punëtori udhëhiqet nga dy profesioniste çeke për animacione. Rreth 20 pjesëmarrës do të angazhohen në krijimin e filmit të animuar me temën e festivalit "SI TË MBIJETOSH". MOSHA 8-10
