09 September, 2024
Euro Connection është një forum bashkëprodhimi i krijuar për producentët, transmetuesit, distributorët dhe mbështetësit financiarë evropianë që kërkojnë të bashkëpunojnë në projekte cilësore të filmave të shkurtë rnga vendet evropiane.
Edicioni i 17-të i Euro Connection do të zhvillohet të martën, me 4 dhe të mërkurën, me 6 shkurt 2025, gjatë Tregut të Filmit të Shkurtër në Clermont-Ferrand, Francë.
Afati i fundit për dorëzimin e aplikimeve është 20 tetor 2024.
Produksionet kosovare duhet të aplikojnë përmes Dokufest duke dërguar formularin e regjistrimit me email në: [email protected]
Kushtet e përgjithshme për aplikim
Projektet duhet të plotësojnë kriteret e mëposhtme për të qenë të pranueshme:
- Projekti është film i shkurtër (animacion, fiksion, dokumentar krijues).
- Kohëzgjatja nuk e kalon gjatësinë prej 30 minutash.
- Projekti duhet të ketë siguruar pjesërisht financim nga një burim tjetër.
- Projekti synohet të jetë bashkëprodhim ndërkombëtar.
- Xhirimet e filmit duhet të fillojnë jo më herët se qershori 2025.
Procesi i Përzgjedhjes
Në çdo shtet, korrespondentët kombëtarë mbledhin dhe vlerësojnë projektet e dorëzuara për të nominuar projektin finalist. Një juri evropiane e përbërë nga 3 profesionistë të industrisë përzgjedh deri në 12 projekte nga të gjitha projektet finaliste, të cilët ftohen të prezantojnë projektet në Clermont-Ferrand. Ftesa përfshin një grant udhëtimi (160 €) për producentin, akomodim dhe ushqim (4 netë), si dhe akreditim për Tregun e Filmit të Shkurtër.
Projektet e përzgjedhura do të njoftohen në fund të nëntorit 2024.
Për më shumë informata rreth Euro Connection dhe mënyrës së aplikimit vizitoni linkun ose na kontaktoni në [email protected]
