August 4, 2025
Në kuadër të programit DocYouth Alliance – Youth Connecting Through Cinema, një grup të rinjsh nga Kosova dhe Serbia do të bëhen pjesë e jurisë rinore në edicionin e sivjetëm të DokuFest. Kjo iniciativë e shkëmbimit kulturor u mundëson pjesëmarrësve të rinj të shikojnë dhe vlerësojnë pesë filma me tematikë rinore, nga të cilët ata do të përzgjedhin fituesin e filmit më të mirë për të rinj.
Fituesi do të bëhet i ditur në platformën zyrtare të DokuFest së bashku me të gjithë fituesit e tjerë.
Pjesëmarrësit e programit ndodhen në Prizren prej datës 4 deri më 8 gusht, ku përveç se janë pjesë e jurisë, marrin pjesë në aktivitete edukative, punëtori dhe diskutime që kanë për qëllim krijimin e urave të bashkëpunimit mes të rinjve përmes kinemasë.
Ky bashkëpunim ndërkufitar përmes filmit synon të forcojë mirëkuptimin dhe empatinë përmes gjuhës universale të artit filmik.
