April 21, 2026
DokuFest hap dyert për diçka të re dhe ajo fillon me ju. Nëse jeni prej moshës 18 deri në moshën 25 vjeçare dhe i doni tregimet, për njerëzit, që kërkojnë të kuptojnë gjërat pak më mirë - ky mund të jetë rast për ju.
Tregimi i storieve për ndërtim të besimit dhe pajtimit bashkon të rinjtë nga komunitetet e ndryshme përreth gjithë Kosovës për tu takuar, biseduar, krijuar dhe kuptuar gjërat bashkë. Jo në teori, por duke përdorur filmin si mjet dhe për të bërë filma.
Ju do të punoni në grupe të vogla, do të ndani përvojat, dëgjoni të tjerët dhe të gjitha këto t'i bëni tregime të shkurtëra që japin ndjesinë e së vërtetës. Storie që nuk tregohen zakonisht. Storie që njerëzit zakonisht nuk i dëgjojnë, por është dashur t'i dëgjojnë.
Ju nuk duhet të keni ndonjë aftësi të veçantë apo përvojë. Shumica e njerëzve nuk e kanë. Do të mësoni bashkë, me filmbërës dhe mentorë që janë aty për t'ju ndihmuar. Gjithçka është praktike, e vërtetë dhe do t'i mësoni gjërat duke i bërë ato.
Kampi i tregimit të storieve mbahet në qershorin e hershëm dhe është intensiv në kuptim pozitiv - me ide të ndryshme, xhirime, editime dhe shumë bashkëpunime.
Pastaj në gusht të këtij viti, krijimi juaj do të shfaqet në edicionin e 25-të të DokuFest-it në ekran të madh në njërën nga kinematë.
Për të aplikuar, ju lutemi ta kompletoni formularin (attach).
Tregimi i storieve dhe ndërtimi i besimit dhe pajtimit përkrahet nga Administrata e Përkohshme e Kombeve të Bashkuara në Kosovë - UNMIK.
