DOKUFEST 2025 SHPALL JURITË E EDICIONIT 24

July 29, 2025

Kemi kënaqësinë t’ju prezantojmë me anëtarët e jurisë së edicionit të 24-t të DokuFest! Të ndarë në shtatë kategori garuese, juria diverse e përbërë nga profesionistë e dashamirë të kinemasë, gjatë festivalit do të vlerësojnë mbi 100 filma nga rreth 50 vende të botës dhe do të përzgjedhin fituesit për kategoritë përkatëse. 

JURIA E GARËS NË  BALKAN DOX : ROBERT TOMIĆ ZUBER, BLERINA HANKOLLARI, BAŞAK EMRE

ROBERT TOMIĆ ZUBER
Robert Tomić Zuber është gazetar, regjisor dhe producent kroat me mbi 20 vite përvojë pune si gazetar dhe redaktor në shtypin kroat, në radio dhe televizion, poashtu edhe në shtypin ndërkombëtar në BBC. Për punën e tij, ai ka fituar dy çmime prej Asociacionit Të Gazetarëve Kroatë. Gjatë dekadës së fundit, ai ka drejtuar katër dokumentarë të metrazhit të gjatë. "At the Station in Pula" (2001), "Accidental Son" (2008), "Mila Seeking Senida" (2010), i vlerësuar me Çmimin për të Drejtat e Njeriut në Festivalin e Filmit në Sarajevë, dhe "Million Dollar Life" (2017). Nga viti 2013 deri në vitin 2016 ai ka qenë drejtor i prodhimit të dokumentarëve në televizionin kombëtar kroat. Sot ai është një profesionist i pavarur, pronar i shtëpisë së produksionit TOROlab dhe lektor në Fakultetin e Vernit në Zagreb. Ai është themelues dhe drejtor i Festivalit të Filmit RAFF - Rab në Kroaci.

BLERINA HANKOLLARI
Blerina Hankollari ka studiuar Filozofi Evropiane dhe ka qenë aktive në industrinë e filmit që nga viti 2012. Ajo ka punuar si konsulente kreative në dokumentarin e Gentian Koçit, të titulluar “Not a Carwash” (2012), i cili u shfaq premierë në Hot Docs, dhe prodhoi filmat e saj artistikë si “Daybreak” (2017) dhe “A Cup of Coffee and New Shoes On” (2022). Të dy filmat kanë fituar vlerësime ndërkombëtare dhe çmime të shumta në festivale dhe kanë qenë kandidaturat zyrtare të Shqipërisë për çmimin Oscar në vitet 2018 dhe 2023. Blerina aktualisht po prodhon filmin e tretë artistik të Koçit, “Cold Sun” dhe po zhvillon dokumentarin e dytë artistik me metrazh të gjatë të regjisorit Eneos Çarka.  

BAŞAK EMRE
Başak Emre është producente dhe drejtore festivali. Ajo ka drejtuar Festivalin mbi Rrota (Festival on Wheels) që nga viti 2000 dhe ka shërbyer në role kyçe në festivale të mëdha turke, në Ankara, Adana dhe Antalia. Ajo ka koordinuar Javët e Filmit Turk në mbi 25 vende, ka shërbyer në juri ndërkombëtare dhe ka punuar si producente dhe producente ekzekutive me regjisorë si Zeki Demirkubuz. Ajo është anëtare e bordit të Akademisë Evropiane të Filmit dhe drejton programin Meetings on the Bridge në Festivalin e Filmit në Stamboll. 


JURIA E GARËS NË  INTERNATIONAL FEATURE DOX: BEN RUSSELL, SOFIA BOHDANOWICZ, KAMAL ALJAFARI

BEN RUSSELL
Ben Russell (1976) është artist, regjisor dhe kurator amerikan, puna e të cilit ndërlidhet në bashkëdyzimin e kinemasë eksperimentale, antropologjisë vizuale dhe imazhit dokumentar. Russell ka qenë një artist pjesëmarrës në documenta 14 (2017) dhe puna e tij është prezantuar në Qendrën Georges Pompidou, Muzeun e Artit Modern, Tate Modern, Muzeun e Artit Modern në Çikago, Festivalin e Filmit në Venecia dhe Berlinale. Projektet e tij kuratoriale përfshijnë Magic Lantern (Providence, SHBA, 2005-2007), BEN RUSSELL (Çikago, SHBA, 2009-2011), Hallucinations (Athinë, Greqi, 2017) dhe Double Vision (Marsejë, Francë 2024-). Ai aktualisht jeton në Marsejë, Francë.

SOFIA BOHDANOWICZ
Sofia Bohdanowicz është regjisore nga Toronto dhe themeluese e Maison du bonheur. Filmi i saj i fundit, “Measures for a Funeral” fitoi çmimin Grand Prix në FNC Montréal dhe u shfaq si premierë në Centrepiece të TIFF. Puna e saj është shfaqur në Berlinale, Locarno, FIDMarseille, BAFICI, DocLisboa dhe ICA. Aktualisht, filmat e saj shfaqen në Criterion Channel.

KAMAL ALJAFARI
Kamal Aljafari është regjisor dhe artist palestinez. Filmat e tij janë shfaqur në festivale dhe muze të njohur duke përfshirë Locarno, Londër, Viennale dhe Bienalen e 35-të të São Paulo. Ai ka marrë çmime prestigjioze nga FIDMarseille, Pesaro dhe Visions du Réel. Në vitin 2024, IndieLisboa organizoi një retrospektivë të plotë të punës së tij. Aljafari ka ligjëruar në The New School dhe DFFB në Berlin. Ai ka qenë bashkëpunëtor i Qendrës së Studimit të Filmit në Harvard dhe në Institutin për Ide dhe Imagjinatë të Universitetit Columbia. 


JURIA E GARËS NË  INTERNATIONAL SHORT DOX: MARIANA HRISTOVA, CAVEH ZAHED, JENNY LUUKKONEN

MARIANA HRISTOVA
Mariana Hristova është kritike filmi nga Bullgaria, gazetare kulturore dhe programuese me një interes të veçantë në kinematë nga Evropa Lindore dhe Qendrore, Ballkani, Lindja e Mesme, Kaukazi dhe Azia Qendrore, me interesa shtesë në filmat avangardë, amatorë dhe të nënpërfaqësuar. Ajo kontribuon rregullisht në Cineuropa, The New Arab, Filmsociety.bg dhe revistën bullgare KINO; është anëtare e FIPRESCI dhe Akademisë Evropiane të Filmit. Ajo gjithashtu shërben në komitetin përzgjedhës të Sheffield DocFest dhe është indeksuese e pavarur në Periodicals Indexing Project (PIP) të FIAF për revistat e Evropës lindore.

CAVEH ZAHEDI
Regjisori i pavarur iraniano-amerikan Caveh Zahedi debutoi në Sundance me filmin “A Little Stiff” (1991) që paraqet  një kombinim mbresëlënës të dokumentarit dhe trillimit, (1991). Për tre dekada, Zahedi e ka analizuar jetën e tij personale me një sinqeritet të paepur në dokumentarë të tillë si “In the Bathtub of the World” (2001), “The Sheik and I” (2012) dhe veprën e tij madhështore “I Am a Sex Addict” (2005).

JENNY LUUKKONEN
Jenny Luukkonen është producente filmash dhe festivalesh që aktualisht jeton në Göteborg të Suedisë. Që nga viti 2019, ajo është drejtuese e bashkëprodhimit për formatin e shkurtër dhe dokumentarit në Film i Väst, një nga fondet kryesore rajonale të filmit në Evropë. Disa nga titujt e tyre të fundit përfshijnë “DECK 5B” nga Malin Ingrid Johansson, “O” nga Rúnar Rúnarsson dhe “Israel Palestine on Swedish TV” 1958-1989 nga Göran Hugo Olsson. Përveç bashkëprodhimit, ajo gjithashtu drejton disa programe talentesh që synojnë të nxjerrin regjisorë, producentë dhe skenaristë të rinj, si pjesë e fokusit të Film i Väst në zhvillimin e talenteve. 
 

JURIA E GARËS NË  INTERNATIONAL SHORTS: HILKE RÖNNFELDT, VISAR KRUSHA, ANDREEA PĂTRU

HILKE RÖNNFELDT
Hilke Rönnfeldt është skenariste dhe regjisore filmash. Ajo është alumne e Berlinale Talents, Torino Script Lab, LIM – Less Is more, Oxbelly Episodic Lab dhe European Short Pitch. Filmi i saj i mëparshëm, “A STUDY OF EMPATHY”, fitoi çmimin Golden Leopard në Festivalin e Filmit në Locarno dhe ishte konkurente për European Film Awards. Ajo është gjithashtu një nga 10 regjisoret e reja evropiane të filmave të përzgjedhur për programin European Film Promotion Future Frames. Projektet e saj sillen rreth jetës në komunitetet rurale, botës së punës, intimitetit dhe detit. Ajo ka një besim të fortë në aftësitë poetike të imazhit. 

VISAR KRUSHA
Visar Krusha, shkrimtar dhe producent, dramat e të cilit, të përkthyera në pesë gjuhë, janë shfaqur në Shkup, Prishtinë dhe Izmir, ndërsa “The Key” është botuar edhe në Fjala. Puna e tij në ekran përfshin filmat si “Inside Justice”, “Modern Family” dhe dy filma të shkurtër: “Three Minutes of Solitude” (2009) dhe “Kaçanik Girl” (2011). Ai ka themeluar shtëpinë e produksionit “Krusha”, i cili ishte bashkëprodhues i filmit “Babai” (2015), fitues i shumë çmimeve ndërkombëtare, përfshirë ato të Mynihut, Karlovy Vary, Angers dhe Prix Europe. Anëtar i EFA-së dhe fitues i Bosch Award, ai ka dhënë mësim në Universitetin e Prishtinës, ka drejtuar Teatrin e Qytetit të Prishtinës “Dodona” dhe tani menaxhon Qendrën Barabar. 

ANDREEA PĂTRU
Andreea Pătru është programuese dhe kritike filmi, anëtare e FIPRESCI-it. Ajo është programuese e filmave të shkurtër në Festivalin Ndërkombëtar të Filmit në Las Palmas dhe anëtare e komitetit përzgjedhës të filmave me metrazh të gjatë. Gjithashtu është duke punuar edhe në programimin e SEMINCI, Tenerife Shorts dhe Minimalen. Ajo ka qenë drejtore ekzekutive e Bienales së Bukureshtit për Art Bashkëkohor. Shkrimet e saj janë botuar në disa periodikë ndërkombëtarë, duke përfshirë Senses of Cinema, Kinoscope, Vague Visages, Indiewire dhe Films in Frame. Ndër të tjera, ajo më parë ka punuar edhe për Romanian Film Promotion. 


JURIA E GARËS NË  HUMAN RIGHTS DOX: JARMILA OUTRATOVÁ, IMMY SUTTON,  ARES SHPORTA

JARMILA OUTRATOVÁ
Jarmila Outratová e filloi karrierën e saj si menaxhere programesh dhe blerjesh për HBO/Supermax Kids. Pasi punoi në një kompani britanike shpërndarjeje, ajo hapi biznesin e saj në prodhimin e muzikës dhe shpërndarjen ndërkombëtare të dokumentarëve. Që nga viti 2013, ajo ka qenë drejtore e industrisë dhe trajnimit në Ji.hlava IDFF, duke mbështetur profesionistët e dokumentarëve në nivel global.

IMMY SUTTON
Imogen mbikëqyr festivalet dhe blerjet në Autlook, një agjenci kryesore shitjesh për dokumentarë artistikë, hibridë dhe seriale dokumentarësh. Përveçse drejton strategjinë ndërkombëtare të premierave, ajo merret edhe me shitjet edukative dhe teatrale. Aktualisht përfaqëson CUTTING THROUGH ROCKS (i vlerësuar me Sundance), NO OTHER LAND (fitues i 97-të i çmimit Oscar) dhe THE REMARKABLE LIFE OF IBELIN (i vlerësuar me Sundance).

ARES SHPORTA
Ares Shporta (1991) është punonjës kulturor dhe producent aktiv në film, muzikë dhe trashëgimi. Ai bashkëthemeloi Fondacionin Lumbardhi në vitin 2015, kësisoj duke udhëhequr ringjalljen e Kinemasë Lumbardhi përmes proceseve bashkëpunuese të kërkimit, programimit publik, avokimit dhe restaurimit. Shporta është aktualisht drejtor në Fondacionin Lumbardhi dhe producent i filmave të ardhshëm Bleach dhe Thirst përmes Vera Films.
 

JURIA E GARËS NË GREEN DOX: ASLIHAN DEMIRTAŞ, KAROL PIEKARCZYK, LIA FURXHI

ASLIHAN DEMIRTAŞ
Aslıhan Demirtaş është arkitekte praktikuese, pedagoge dhe bashkëthemeluese e KHORA—një praktikë e zgjeruar arkitekturore e bazuar në kërkim shkencor, art dhe ekologji. Zyra e saj drejton ripërdorimin adaptiv të Kinemasë Lumbardhi në Prizren, Kosovë. Ajo është fituese e Graham Foundation Grant dhe ka shërbyer si vlerësuese teknike për 15th Aga Khan Awards for Architecture. Demirtaş gjithashtu ka bashkëpunuar me I.M.Pei si kryedizajnere kryesore e tij në Muzeun e Arteve Islamike të Katarit dhe Miho Chapel dhe gjithashtu është alumne e MIT dhe METU.

KAROL PIEKARCZYK
Karol Piekarczyk është drejtor artistik i Millennium Docs Against Gravity. Me një audiencë prej mbi 180,000 personash, ky është festivali i dytë më i madh i dokumentarëve në Evropë. Ai ka punuar me filma dokumentarë dhe festivale filmash për më shumë se 15 vjet. Ai u diplomua në Universitetin e Glasgout. Karol gjithashtu mbikëqyr shpërndarjen e filmave, duke publikuar mbi 35 dokumentarë në vitet e fundit. Ai ka qenë konsulent në prodhime të shumta dokumentarësh dhe është anëtar i Akademisë Evropiane të Filmit.

LIA FURXHI
Pasi diplomoi për histori dhe kritikë filmi në Universitetin e Torinos, Lia Furxhi punoi si menaxhere prodhimi në disa filma të pavarur të shquar italianë. Ajo ka luajtur role të ndryshme në projekte të shumta kulturore, duke përfshirë organizimin e festivaleve (që nga viti 2024 është drejtoreshë e CinemAmbiente – Festivalit të Filmit Mjedisor) dhe themelimin e CNC – Qendrës Italiane të Filmit të Shkurtër.
 

JURIA E GARËS KOMBËTARE: BARIŞ KARAMUÇO, SARA RAJAEI, JOSE CABRERA BETANCORT

BARIŞ KARAMUÇO
Barış Karamuço është një artist vizual, shkrimtar dhe sipërmarrës kulturor i lindur në Prizren, puna e të cilit shqyrton historitë e shtresuara të Kosovës, duke ruajtur dhe riimagjinuar vlerat kulturore të anashkaluara. Pasi mori një diplomë bachelor-i për fotografi në Stamboll dhe një diplomë Master për studime filmi, ai tani po ndjek një doktoraturë në sociologji, një trajektore që thellon lentet sociale të praktikës së tij. I udhëhequr nga teoria kinematografike, Barış tregon histori përmes fotografisë dhe video dokumentarëve, gjersa zgjeron idetë e tij në formë të shkruar. Ai është gjithashtu një nga drejtorët bashkëthemelues të Autostrada Biennale.

SARA RAJAEI
Sara Rajaei është një video artiste dhe regjisore iraniano-holandeze me bazë pune në Holandë. Ajo u diplomua në Universitetin e Arteve në Teheran dhe në Akademinë Mbretërore për Arte Pamore në Hagë, ku u specializua në artin 3D. Në veprat e saj, ajo studion nocionin e kohës duke reflektuar mbi mungesën e imazhit, psikologjinë e kujtesës, historinë gojore, teknikat narrative dhe hapësirën fizike/psikologjike. Ajo punon kryesisht me filma të shkurtër dhe video instalacione. Veprat e saj janë shfaqur në festivale dhe ekspozita të ndryshme në mbarë botën, duke përfshirë qendrën e arteve De Appel në Amsterdam, Rencontres Internationales Paris/Berlin/Madrid, Stiftelsen 3,14 në Bergen dhe Muzeun e Artit Modern dhe Bashkëkohor në Rijeka. Në vitin 2009, ajo u vlerësua me Prix de Rome. 

JOSE CABRERA BETANCORT
Jose Cabrera Betancort është programues filmash nga Spanja. Ai ka një diplomë Bachelor në komunikim audiovizual dhe 20 vjet përvojë në programimin dhe koordinimin e festivaleve ndërkombëtare të filmit. Ai është vlerësuar gjithashtu me një bursë në Kinema në Akademinë Mbretërore Spanjolle të Arteve në Romë. Ai punoi për MiradasDoc dhe Transilvania IFF. Në vitin 2013 ai themeloi Festivalin e Filmave të Shkurtër në Tenerife, të cilin e ka drejtuar që atëherë. Aktualisht ai është programues dhe drejtues i menaxhimit të filmave në Valladolid IFF, si dhe drejtues i programimit për Bucharest IFF.