4 PILLS AT NIGHT NË FESTIVALIN E FILMIT NË LOCARNO

06 July, 2021

Një dhuratë e mrekullueshme për ditëlindjen për edicionin e ardhshëm të 20-të të DokuFest erdhi papritur nga alumni ynë Leart Rama. Filmi i tij i shkurtër ‘4 Pills at Night’, i bashkëprodhuar nga DokuFest dhe Festivali i Filmit të Shkurtër Winterthur në Zvicër u zgjodh për të garuar në konkursin kombëtar të 74-të Festivalit të Filmit në Locarno. Filmi gjithashtu është kualifikuar si kandidat për Çmimet Evropiane të Filmit.

Leart Rama është një nga alumni më të talentuar të programit të edukimit të filmit në DokuFest. Si regjisor filmash, ai ishte gjithmonë i interesuar të eksploronte histori që përqendrohen në emocione njerëzore dhe situata që i bëjnë njerëzit të reflektojnë mbi realitetin aktual.

“4 Pills at Night” është frymëzuar nga skena magjepsëse në Kosovë. Learti duke qenë vetë pjesë e skenës për vite me radhë dhe duke parë sesi të rinjtë lidhen me të vendosi të tregonte historinë e saj. “4 Pills at Night” u prodhua dhe u xhirua si film hibrid. Të vetmit njerëz në film që ndoqën skenarin ishin aktorët dhe ekipi, të gjithë të tjerët ishin të ftuar në një aheng falas për të luajtur vetë në film.

Veton Nurkollari dhe Eroll Bilibani kujtojnë se kur Learti në moshën 16 vjeç u bashkua programit kabare ‘Kino Prizreni’ të DokuFest vite më parë ishte një ditë kur u zbulua një talent i ri filmi.

Kur bëhet fjalë për filmin, Learti nënvizon “Çdo histori që vendos të zhvilloj në një film është shumë afër zemrës time dhe padyshim që dëshiron të dalë jashtë meje, në mënyrë që të ndahet me botën. “4 Pills at Night” është në zhvillim e sipër për tre vjet tani. Ishte menduar të ishte një film artistik por kjo është thjesht një pjesë nga filmi i ardhshëm. Ai u frymëzua nga ato që ndodhin në ahengje, si njerëzit lidhen atje, si njerëzit mund të kërcejnë, të shprehin individualitetin e tyre dhe se si ka shumë më shumë shtresa të asaj çka ndodh në një ‘rave’ sesa muzika dhe vallëzimi. ”

Producentja e filmit, Nita Deda i cila ishte gjithashtu Drejtoreshë e Festivalit të DokuFest tha “Gjatë kohës që isha në DokuFest, pata gëzimin të dëshmoj talentin e Leartit kur ai u bashkua me shkollën tonë të filmit dhe më vonë drejtoi ekipin tonë të videove. Tani jam më se e lumtur për të qenë pranë tij, ndërsa ai lulëzon dhe jam krenare që DokuFest dhe Internationale Kurzfilmtage Winterthur kanë vazhduar mbështetjen e tyre për talentet e reja.“

DokuFest dëshiron të falënderojë Festivalin e Filmit të Shkurtër Winterthur për fillimin e skemës së granteve në mbështetje të talenteve të rinj të Kosovës dhe Agjencinë Zvicerane për Zhvillim dhe Bashkëpunim, Ambasadën Zvicerane në Prishtinë dhe Komunën e Prishtinës për mbështetjen e këtij projekti.