05 July, 2021
DokuFest ka kënaqësinë të shpallë programin e parë të filmave nga një seri programesh të kuruara posaçërisht për edicionin e tij të 20-të, jubilar, me titull ‘20 FOR 20: REPLAY’ i përbërë nga 20 filma që janë shfaqur në DokuFest në këto vitet e fundit. Për të mos thënë 20 filmat më të mirë, por më tepër filma që disi përcaktojnë shijen dhe praktikën kuratoriale të ekipit programues të DokuFest. Një program që feston 20 vitet e festivalit me 20 filma të mrekullueshëm! Ne mund të bënim më shumë por duhej të ndaleshim diku!
Ndër titujt që do të shfaqen janë disa nga fituesit e kaluar të festivalit, si filmi La Bocca Del Lupo’ i Pietro Marcello, Dubina Dva i Ognjen Glavonić, Sans le Kosovo i Dea Gjinovcit dhe filmi i shkurtë emocionues Sun Dog i Dorian Jespers.
Si dhe një numër të filmave të jashtëzakonshëm, duke përfshirë filmin tejet inovativ Leviathan nga dyshja Verena Paravel dhe Lucien Castaing-Taylor, të paharrueshmin Black Sun nga Gary Tarn, filmin magjepsës të Bill Morrison Dawson City: Frozen Times, turbullirën e kufirit kinematografik të vëllezërve Ross Bloody Nose, Empty Pockets, filmin e shkurtë me një kuadër të Lendita Zeqiraj Ballkoni, America një film mahnitës i shkurtë nga Garrett Bradley apo vështrimin imagjinar të Iain Forsyth & Jane Pollard të 24 orëve në jetën e rok ikonës Nick Cave, në filmin 20,000 Days on Earth. Si dhe një mori filmash tjerë fantastik!
DokuFest do të mbahet nga 6 deri më 14 gusht në qytetin e Prizrenit në formatin hibrid, me shumicën e filmave të cilët do të shfaqen në kinema me audiencë. Programi i plotë i festivalit, përfshirë filmat e kategorive garuese do të publikohet me datën 9 Korrik.
Lista e plotë e filmave nga programi 20 FOR 20: REPLAY si më poshtë:
Black Sun nga Gary Tarn
Dawson City: Frozen Times nga Bill Morrison
Did You Wonder Who Fired The Gun? nga Travis Wilkerson
Dubina Dva nga Ognjen Glavonić
La Bocca Del Lupo nga Pietro Marcello
Leviathan nga Verena Paravel & Lucien Castaing-Taylor
Meteors nga Gürcan Keltek
20,000 Days On Earth nga Iain Forsyth & Jane Pollard
Bloody Nose, Empty Pockets nga The Ross Brothers
¡Vivan las Antipodas! nga Viktor Kossakovsky
Ballkoni nga Lendita Zeqiraj
The Baby nga Ali Asgari
Small Town nga Diogo Costa Amarante
Sans le Kosovo nga Dea Gjinovci
A Man Returned nga Mahdi Fleifel
Brotherhood nga Meryam Joobeur
Genius Loci nga Adrien Merigeau
Sun Dog nga Dorian Jesper
Vever (For Barbara) nga Deborah Stratman
America nga Garrett Bradley