HUMAN RIGHTS DOX

Shoshi Korman punon në Cinephil, një firmë ndërkombëtare shitjesh dhe këshillimi me një reputacion të fortë për sigurimin e marrëveshjeve ndërkombëtare të shpërndarjes, transmetimit dhe financimit për dokumentarë nga e gjithë bota në emër të producentëve dhe regjisorëve. Shoshi fokusohet në festivale, fushata të lirimit dhe çmimeve. Titujt e fundit për të cilët ajo ka punuar përfshijnë filmin të nominuar tre herë për çmimin Oscar, "FLEE", nga Jonas Poher Rasmussen; dy herë i nominuar për çmimin Academy "Collective", nga Alexander Nanau, "Gunda", nga Victor Kossakovsky: fitues i Sundance dhe i nominuar nga Akademia për çmimin "A House Made of Splinters".

Rron Ginovci është aktivist i arsimit, themelues dhe drejtor ekzekutiv i ORCA - Organizatë për Përmirësimin e Cilësisë në Arsim (2016 - aktual). Rroni është aktiv në jetën publike të Kosovës si komentator politik, rol të cilin e përdor për mbështetjen e ndryshimeve progresive shoqërore. Si aktivist i shoqërisë civile në Kosovë, Rroni ishte anëtar i Ekipit Përgatitor për të Vërtetën dhe Komisionin e Pajtimit në Kosovë, iniciativë e Zyrës së Presidentit të Kosovës gjatë viteve 2017-2019. Më parë Rroni ka punuar për Qendrën për Ri-kërkim, Dokumentim dhe Publikim, një OJQ e specializuar në Drejtësinë Tranzicionale dhe Ballafaqim me të Kaluarën, si dhe gazetar i pavarur për Rrjetin Ballkanik të Gazetarisë Hulumtuese (BIRN - Kosovë). Rroni ishte vullnetar si mësues jashtëshkollor joformal për Partneritetin Idetë, ku punoi me një grup nxënësish të shkollave fillore nga komunitetet romë, ashkali dhe egjiptianë.

Dina Pokrajac është kritike filmi, kuratore dhe programuese. Ajo u diplomua në Gazetari dhe Shkenca Politike dhe është kandidate për doktoraturë në Antropologji Kulturore në Universitetin e Zagrebit me një tezë mbi arkivat e filmit dhe praktikat “kundër-kujtesës” (counter-memory). Ajo punon për Restart, një organizatë e fokusuar në prodhimin, shpërndarjen dhe ekspozimin e filmave dokumentarë dhe është menaxhere e kinemasë Dokukino QIC. Ajo është drejtore artistike e Festivalit ‘Subversive’, përzgjedhëse e ZagrebDox dhe ka kuruar projekte të shumta ndërdisiplinore që ndërthurin filmin dhe teorinë kritike. Ajo punon gjithashtu si përkthyese, duke përkthyer ndër të tjera veprat "Arti dhe teknika" të Lewis Mumford, "Misteri dhe sjelljet" e Flannery O'Connor dhe "Pas-imazhet" e Laura Mulvey. Ajo është redaktore e shtëpive botuese ‘Jesenski i Turk dhe Bijeli val’ dhe ka redaktuar mbi 20 libra në fushën e filozofisë, shkencave politike dhe teorisë së filmit. Ajo ishte fituese e çmimit Vladimir Vukovic për kritikën më të mirë të filmit të ri në 2017. Mori pjesë në Sarajevo Talents 2020 dhe Berlinale Talents 2021.