Balkan Dox

Marlene Edoyan është bashkëdrejtoreshë artistike e ‘RIDM - Rencontres Internationales du Documentaire de Montréal’, dhe programuese për festivalin dhe për forumin e tij të industrisë. Me një prapavijë në studime për Film dhe Media, Marlene ka punuar në industrinë e filmit kanadez si regjisore dhe producente për më shumë se 15 vite. Me një interes të madh në eksplorim të koncepteve që lidhen me gjeografinë e njerëzve dhe marrëdhëniet midis shoqërive dhe hapësirave, Marlene themeloi ‘Fauve Film’ në 2017, për të krijuar dokumentarë kreativë autorial. Filmat e saj eksplorojnë çështje socio-politike duke kombinuar këndvështrime origjinale me pikëpamje të fuqishme të tregimit kinematografik.

Srđan Kovačević ka lindur në Zagreb, Kroaci në vitin 1982. Në vitin 2009 ka marrë diplomë si magjistër në kinematografi nga Akademia e Arteve Dramatike të Universitetit të Zagrebit. Ai ka punuar si kameraman për produksione të ndryshme të pavarura rajonale filmike dhe televizive, si dhe ka xhiruar filma dokumentarë, seriale televizive dhe filma të shkurtër. Filmi i tij ‘Factory to the Workers’ ishte fitues i Konkursit Balkan Dox të DokuFest-it në vitin 2022.

(xe/xem/xyr), Producente këshilluese, Regjisore, Skenariste, Zeynep Güzel është filmbërëse, konsulente dhe drejtuese e Doc Station në Berlinale Talents. Zeynep ishte drejtuese e ‘Yeni Film Fund of Turkey’ themeluar nga Anadolu Kültür dhe ‘İf Istanbul Independent Films Festival’. Zeynep drejtoi dhe prodhoi dokumentarin Come Rain or Shine (2019) si dhe prodhoi dy dokumentarë të tjerë: ‘Beginnings’ (2013) dhe ‘Impressions of A Summer’ (2020). Zeynep punon si konsulente mbi tregimin në kuptim të gjerë, shkrimin e granteve ndërkombëtare, dhe strategjitë e projektimit dhe të bashkëfinancimit. Ne vitin 2021 Zeynep ishte anëtare e ‘Berlin Artist in Residency’ (AiR) në Programin Nipkow me filmin e saj të parë narrativ ‘When the Sun Comes Out’. Zeynep ka qenë një konsulente e lartë në Shoqatën e Dokumentarëve të Evropës (DAE) që nga themelimi i saj.