IMAGES FROM THE SIEGE - A NEWSREEL HISTORY OF COMMUNIST ALBANIA
Përshkrimi
ALBAFILM (1990) (8 min)
Dir. Petrit Beci
Pas rënies së Murit të Berlinit dhe shembjes së shumicës së regjimeve të tjera komuniste të Evropës Lindore, vetëm Shqipëria vazhdoi të ruante vijën e rreptë Marksiste që kishte ndjekur për katër dekada. Por, përballur me një krizë të jashtëzakonshme ekonomike, Kinostudio prodhoi këtë dokumentar magjepsës, një xhirim prapa skenash në gjuhën angleze, duke u përpjekur të fitonte interesimin e investitorëve te huaj për industrinë e filmit shqiptar, një veprim që do të ishte i paimagjinueshëm gjatë viteve të Hoxhës.
SHEMBJA E IDHUJVE (1993) (18 min)
Dir. Kujtim Gjonaj
Kjo përmbledhje e materialeve të gjetura nga pamjet e historisë së trazuar të shekullit të 20-të në Shqipëri është gjithashtu një ese e hidhur dhe treguese mbi adhurimin e kombit ndaj kulteve të personalitetit dhe një paralajmërim i profetëve të rremë që do të vijnë. Për ironi të fatit, ky ekzaminim anti-komunist u bë nga Kujtim Gjonaj, i cili do të drejtojë gjithashtu DHIMBJE E THELLË, BETIM I MADH, një dokumentar që glorifikon Enver Hoxhën, tetë vjet më parë.
TINGUJ TË ZJARRTË (1991) (27 min)
Dir. Ardian Murraj
Xhiruar në periudhën e tranzicionit midis formimit të partisë së parë të opozitës në Shqipëri dhe demonstratave që kërkojnë një qeveri të zgjedhur në mënyrë demokratike, ky dokumentar ndjek ngazëllimin e gjeneruar nga një grup lulëzues muzikantësh rock që përgatit debutimin e tyre në koncert, duke interpretuar Dire Straits në një fabrikë industriale.
