03 – 11 August 2018
Edition XVII

03 – 11 August 2018
Edition XVII

DokuPhoto, programi i fotografisë së DokuFest, do të shënohet me një seri ngjarjesh të ndryshme, përfshirë një masterklasë dhe prezantim të storjes nga fotografi i njohur Julian Mahrlein, si dhe punëtori për fëmijët dhe të rriturit, të gjithë të kuruara rreth temës sonë të ‘Reflektimit’.

Julian Mährlein x  DOKUPHOTO

Julian Mährlein do të vizitojë festivalin dhe do të fotografojë fytyrat dhe zërat e brendshme të rinisë së festivalit. Portretet që do të rezultojnë do të shfaqen në Kino Lumi në fund të festivalit, duke ofruar një reflektim unik fotografik të një gjenerate që shpesh keqkuptohet dhe që përballet me një botë intenzive.

Gjithmonë në kërkim të mënyrave të reja për të prezantuar çështjet aktuale shoqërore dhe politike, puna e Julian qëndron në mes të dokukumentimit shoqëror dhe portretizimit. Julian u rrit në Gjermani, por përfundoi studimet e tij në Londër, duke marrë BA në Fotografi nga Kolegji i Komunikimit në Londër dhe MA në Art & Politikë nga Goldsmiths. Imazhet e tij janë  publikuar në British Journal of Photography, Dazed Digital, AnOther Magazine në BBC dhe në shumë publikime tjera.

Mährlein poashtu do të mbajë një master-klasë për mënyrat e reja për të reprezentuar çështjet aktuale sociale dhe politike përmes fotografisë. Programi koordinohet nga fotografi ynë Jetmir Idrizi.

EKSPOZITA: KINO LUMI, 08 Gusht Ora 20:00

PUNËTORIA FANZINE

Udhëhequr nga artistja Blerta Hocia, fotografët profesionistë do të përdorin arkivin fotografik të DokuFest për të krijuar një fanzine që do t’u shpërndahet vizitorëve të festivalit. Dokufest njihet për dedikimin e edicioneve të tij për theksimin çështjeve të rëndësishme politike dhe shoqërore të vendit tonë dhe botës ku jetojmë. Pjesëmarrësit do të kalojnë nëpër temat e festivalit, duke reflektuar mbi rëndësinë e tyre sot dhe duke ofruar një narrativë të re për të ardhmen nëpërmjet fanzines.

APLIKONI KËTU

DARK ROOM LABORATORY Në këtë punëtori të organizuar për DokuKids, të vegjlit tanë do të mësojnë si ndërtohen dhomat e errëta si dhe çfarë kërkohet për t’u zhvilluar një fotografi. Pjesa e parë e punëtorisë do të fokusohet në mbledhjen e objekteve përreth qytetit, të cilat do të fotografohen për t’u zhvilluar në dhomën e errët. Rezultatet do të paraqiten në një ekspozitë e cila do të jetë e hapur përgjatë festivalit.