03 – 11 August 2018
Edition XVII

03 – 11 August 2018
Edition XVII

DokuKids

Kemi kuruar një program shumë special për DokuKids, me filma dhe punëtori, klasa vallëzimi, lojëra dhe kënaqësi të pafund!

PROGRAMI I FILMIT: REFLEKTOJMË LUMTURINË
Datat: 05-11 Gusht,
Ora:10:30
Lokacioni: KINO LUMBARDHI
E hapur për të gjitha moshat

Pesë programe të filmave të kuruar në bashkëpunim me Institutin e Filmit e Norvegjisë, Festivalin e Filmit të Suedisë, Festivalin e Filmit të Shkurtë të Hamburgut dhe kuratorët e Dokufestit, për 7 ditë çdo mëngjes do shfaqim filma për më të dashurit tanë. Personazhet në filmat tonë mësojnë se mund të inatosesh shumë shpejtë, por lumturia është ngjitëse. Na mësojnë se në shoqëri, rivaliteti duhet të lihet anash.  Na trgojnë se kur e humb një shok, të gjesh një të ri nuk është aq e lehte se sa na e merr mendja. Në përgjithësi, këta filma ftojnë audiencën e re të shohin se si afrohen njerëzit  dhe çfarë e dallon një person nga një tjetër. Si e gjejmë veten në situata të ndërlikuara, dhe se kush është aty për të na ndihmuar?

RAINBOW
Datat: 4-10 Gusht
Lokacioni: Loyola
Mosha: 6-10

Të udhëhequr nga miqtë tanë në shkollën Loyola, pjesëmarrësit e rinj do të eksplorojnë imagjinatën e tyre përmes vizatimit, pikturës, punimit me letër, aktrimit dhe krijimit të një bote të ëndërruar që do t’i ngjante dëshirave të tyre.  Përmes aktiviteteve dhe lojërave, fëmijët argëtohen e njëkohësisht të reflektojnë mesazhin që na sjell ylberi ynë,  duke arritur që fëmijët të vlerësojnë gjërat e vogla dhe të jenë në gjendje të krijojnë marrëdhënie të shëndosha me synime të mira për shoqërinë.

MIRROR DANCE
Punëtori vallëzimi

Datat: 3-13 August
Mosha: 7 – 15
Lokacioni: Shkolla Loyola

Performanca finale mbahet më 11 gusht në orën 16:00 te Sheshi Shadervan

Punëtoria “Mirror” është një trajnim intensiv i vallëzimeve dhe është i përshtatur për fëmijët që dëshirojnë të zhvillojnë aftësinë e tyre të vallëzimit drejt një niveli profesional dhe që duan të integrojnë trajnimin e tyre të vallëzimit në formimin personal dhe shpirtëror. Koreografitë kanë për qëllim socializmin e fëmijëve duke vallëzuar dhe rritjen e interesimit per artin e baletit dhe vallëzimin kontemporan. Rrjedhja e koreografisë paraqet një metodë për reflektimin të ndjenjave përmes vallëzimit.

DARK ROOM LABORATORY
Data: 7 gusht
Lokacioni: Loyola School
E hapur për të gjitha moshat

Ekspozita do të mbahet më 8 gusht në Qylhan

Në këtë punëtori të organizuar për DokuKids, të vegjlit tanë do të mësojnë si ndërtohen dhomat e errëta si dhe çfarë kërkohet për t’u zhvilluar një fotografi. Pjesa e parë e punëtorisë do të fokusohet në mbledhjen e objekteve përreth qytetit, të cilat do të fotografohen për t’u zhvilluar në dhomën e errët. Rezultatet do të paraqiten në një ekspozitë e cila do të jetë e hapur përgjatë festivalit.

Regjistrimet për të gjitha punëtoritë do të bëhen në DokuShop!